İsmayıllıda yeni otel kompleksi inşa ediləcək

İsmayıllı rayonunda yeni otel kompleksi inşa ediləcək.

İndex layihəçi təşkilat “Chiza Architectural Bureau” şirkətinin rəsmi saytına istinadən xəbər verir ki, yeni otel İsmayıllının Basqal qəsəbəsinin yaxınlığında yerləşəcək.

Yeni inşa olunan sağlamlıq və ailə istirahət kompleksinin müəllifi “Chiza Architectural Bureau” şirkətidir.

Məlumata görə, hazırda inşaat işlərinə başlanılıb. Obyektin ümumi ərazisi 17.13 Ha,Kompleksin ümumi yaşıllıq sahəsi 14,99 Ha, tikinti sahəsi 12 563,58 m², ümumi inşaat sahəsi isə 32385.41 m² təşkil edir. Kompleks daxil olan beşmərtəbəli otel binası 179 nömrədən ibarət olacaq.

Otel binasında istirahət və zamanın səmərəli keçirilməsi üçün bütün şərait nəzərə alınıb. Həmçinin kompleksdə otel binasından əlavə kafe, restoran, uşaq əyləncə mərkəzi, kotteclər, o cümlədən inzibati binanın inşası nəzərdə tutulub.

Qeyd edək ki, yeni “Basqal sağlamlıq və ailə istirahət kompleksi” layihəsinin inşaat tarixi 2019-2020-ci illəri əhatə edəcək.

Məqalənin tam versiyası: http://index.az/maliyye/1515/ismayillida-yeni-otel-kompleksi-insa-edilecek-foto/